SONGON INGOT-INGOT ADAT BATAK PAMULI BORU

1.Parboru

Tep2 do ninna mula ni gondang Serser mula ni tortor Sise do ninna mula ni hata Hipas do na ro Hiras do na manjalo Horas ma tondi madingin Pir tondi matogu Sude hita malambok pusu ala Tuhanta manogu2 Tarsongon dia ma huroha didok rohanta

2.Parboru

Ba nauli doi, Aek godang tu aek laut Dos ni roha si bahen na saut--------Martangiang Paranak-----Huhuasi ni sipanganon Sidung mangan----Raja ni boru didok hamu Sai jolo ninangnang do asa ni nungnung Sai jolo pinangan do asa sinungkun Ia nunga bosur mangan sagat marlompan sombu minum aek sitio2 Sai pamurnas mai tu daging saudara tu bohi Sipalomak imbulu Sipaneang holi2 Sipasihar panaili mai di hita.Manungkun ma hami Dia ma langkatna Dia ma unokna Dia ma hatana Dia ma na ni dokna.

3.Parboru

Na painumhon aek  na tio Paguguthon sira do hape haroromuna Bagot na marhalto ma Natubu di robean Horas ma hami na manganhon Tubu singkatna di hamu na mangalean Ia marangkup do na uli Mardongan do na denggan  Siangkupna songon na hundul Siudurna songon na mardalan Hata na uli sibegeon ni pinggol Haroan na denggan sipeopon  ni roha Ba tangkas ma dipaboa hamu Raja ni boru

4.Parboru

Mauliate---Alai husungkun hami jolo borunami--- Hujalo hami ma pangidoan munai na patuahata. Andigan ma muse hamu ro manggoli sinamot na gok?

5.Parboru

Nauli mai Raja ni boru Hujalo hami ma pangidoan  munai,patua hata dohot manggoli sinamot na gok. Sinuan bulu sibahen na las,Sinuan Partuturon si   bahen na horas Beha adong do pe si pangidoon mu  Amangboru? Hatahon hamu, Na burju do hami jala pangolo2i Na olo mangoloi jala si oloan,Huoloi hami  antong hatamuna,Oloi hamuma nang pangidoan nami,

6.Parboru

Di hita na mardongan tubu/boru Jadi dialap jual dohot  sahali mangelekkon ma ninna Raja ni pamoruonta  si hataanta sonari Taoloi ma i ate.pangidoan ni pamoruontai. Amangboru ! Barita ni lampedang  mardangka bulung bira Barita ni marga -----tarbarita . do ro di dia Pur do alu2 sar do barita,Pat ni gaja tu patnihora Anak ni raja do hamu pahompu ni namora Nunga pitu lili nami paualu jugia nami Nunga nauli nipi   nami Adong hamu na boi manggohi hajut jala na boi pangalu2an nami Ndang tuktuhan batu dakdahan simbora Ndang tuturan datu ajaran na marroha Na malo do hamu jala sigodang boto2an Ompu ni bisuk jala ama ni na marroha Hatahon hamu ma si pasahaton muna Horbo,lombu,hoda,asa pinabara Mas diparsibong diparhorung2 inanta,na deba dohot Ringgit si tio suara asa pinamasuk tu bagasan poti.

7.Parboru

Dirobean tubu pinggol Dinahornop ni ipaanna Tung   hami pe na masipandohan sude do hita  masiantusan Mangido panuturion sian Boru dohot Hula2-----------

7a.Boru ni Parboru

Martimbaho ma jolo hita Pariban Nang so apala mardai Songon na maralo majo hita Nang pe nian so marbadai Na burju do hula2nta on.Tubu andor ni gadong jonok tu simarhulosi Sahali  hinunti sipanganon 7hali iba di ulosi

Molo marasar aili Ditarui ma bulung singkoru  Sihar ma nian panaili Horhonon ni boli ni boru Nunga be takira jala ta bilang2i,Nunga be taida ba patut   ma ta timbang2i Aek sigura2 pandurungan ni porapora  Na buas marhulahula Na pogos hian iba gabe mamora

Lata pe na rata,duhut2do si butbuton Hata pe na hata ,  pandok ni hula2do si ihutononton

7b.Hulahula ni Parboru

Dolok sigura2 hatubuan ni ansosoit Ianggo tu hula2 tung so jadi do mangholit

Ndada ala ni  godangna  umbahen na dieahi Ndada ala ni otikna umbahen na tinadingkon

Amporik mallipik habang2 tingki haleon Na godang do na otik asal las roha mangalehon

Panggu mallatang amporik mallipik,Gabe dopartuhor  na godang Laos gabe do tong partuhor naotik

7c.Parboru

Lasiak na rara binahen tu panutuan Raja pe na raja sai suhut do sibahen putusan

7d.Suhut

Hauma na tardas do di paullusullus alogo Aek na bagas sai mulahulak do ni dodo

Atik na maruba dope roha ni pamoruonta Sinungkun jo sahali nari.

8.Parboru

Ganjang pe ni dungdung ni tangan Ganjangan dope ni dungdung ni roha  Pir batu, pir an dope na so ada Ala songoni pir ni hata dohot Gomos ni pangelek ni borunta Dibagasan hata nasomba Masipaolo2an do na marhula/marboru Asa tubu ngolu2 Jumpang na  nijalahan,jala dapot niluluan. Alai anggo todoan tu  suhi ni ampang na 4 dohot angka parjambar na gok ba tangkas ma Alusi  hamu dimata ni uiaon i ate.

9.Hata Manauri

Nga jumpang tali apsa Bahen ihot ni ogung oloan  Nunga denggan marujung hata Ala sude hita ma si  paolooloan Sisada dolok ma hita sisada robean sisada tortoran Rap nangkoktu dolok Udur nang tu toruan Tongtong satahi sahata sa oloan Masiamin2an songon lampak ni gaol masi tungkol2an songon suhat di robean

1.Paranak

Mauliate godang do dohonon nami tu Rajai na ria  manjangkon hami di bagasta namarampang namarjual  on Bagas sibaganding tua Panjaloan ni sangap dohot  panjaloan ni tua,Molo suman do didok roha ni Rajai? Boha ia jolo sigati hamu jolo boan2 nami on Sai jolo ninangnang do asa ninungnung Sai jolo pinangan do asa sinungkun

2.Paranak

Gabe ma jala horas Rajanami,Taringot tu sipanganoni: Sititi ma sihompa golang2 pangarahutna Tung so sadia  pe na hupatupa hamii Sai godang ma pinasuna, Tubu ansosoit jonok ni simarlasuna so tung didok hamu na mangholit---Tu tambanama na hinolit asa adong muse  patupaon lumobi sian na adong nuaeng-----Hata ni  sipanganon i Panggabean Parhorasan do Rajanami.

3.Paranak

Olo rajanami:Marangkup do----- Taringot diharoro nami Rajanami na adong do na solot di ate2 jala na gompang di pusu2 na naeng si hatahonon nami dohot si sombahonon nami tu adopan ni Rajai Alai Jumolo ma hami marsomba ujung marsomba huhuasi tu Tua dohot Sahala ni Rajai,Tangan do botohon ujungna jari2 Hata nahurang lobi jumolo ma hami marsantabi,Nanget2 ma hami diajarajari Jadi tankas ma tutu paboaon tu hamu Rajanami Di minggu nasalpu ro alu2 ni anak nami on,Jolma na martua ninna ibana Pitu lilina, ualu jugiana Uli ninna nipina ala adong boru ni raja na olo manjangkon ibana Las roha jala mariaia tondi umbege alu2 na.Tinapu ma tutu bulung siarum

Bahen uram2 ni pora2 Nahansit gabe malum Molo dapot sininta ni roha Ai nunga leleng pinainteinte Par si bulu godang  bahen hite2 Anak na magodang Denggan ma nian hot ripeIa sinungkun ma,Nilonggi ni lilina Tinoktok ni pordana Sinolom ni panailina Tinodo ni roha na Boru ni rajai do hape hula2 natarbarita ro didia Pangalapan di gogo,Pangalapan di roha Si totak hite2 sude marhitehonsa Sihorus na lobi sigohi na longa Sipatiar na rundut sipatio na litok Tinaha ma garung2 Niantan sulangat niba

Marlobok ma taroktok ni gotil ma lambiak Boha ma bahenon manondong Gompul ni adian Babiat ni harbangan laho mangunsande tu hariara na bolon na juang dilangit.

Alai ro ma dongan tubu dohot boru di dokma Hariara madung2do hape madung2 tu bonana Manghuphupi sinkoru dohot bulung bira Haburjuonmuna marboru tarbarita ro didia Sude halak malungun naeng mida ida, Rajanami Hula2 na basa Inganan ma sibulu ninna dolok  ni si Tapongan,Barani pulut pe hami mandapothon hamu Ndada alani godang ni sinadongan.Molo tung hubaranihon hami pe ro,Namangasahon hapogoson do,laho patua hata patoguhon hata ni angka naumposo do Rajanami

4. Paranak

Rajanami Parbahul2 na bolon Ndang ala nasiat jari2 asa siat botohon Boha ia sada nidanggur dua na hona ma bahen hamu rajanami ta uduti ma nian dohot na manggoli sianamot nagok na songon utang sisombahonon nami tu Rajai.

5.Paranak

Rajanami Hula2 na basa Sapala na mardalani unang olatni Simargalangan Sapala namanghatai unang di par alang2an Jala pangidoan nami nian ba rambu pinungu ma tahatai Pungu sahali manngelekkon upa suhut,suhi ni ampang na opat dohot angka parjambar na gok  Jala ingkon sangap do boru ni Rajai alapon nami sian alaman ni Rajai.